கொஞ்சமாக காதலித்திருக்கலாம்

இரவின் விளிம்பில்

 

உன் நினைவுகளோடு
சண்டையிட்டு, சண்டையிட்டு,
இரவின் விளிம்பில்
நிற்கிறேன் நான்...

இரவின் மடியிலாவது
இனியொரு இடம் கொடு!

 

என் காதலை
நீ விலக்குவது புரிகிறது எனக்கு,
நான் விளக்குவது

புரிகிறதா உனக்கு...?

 

என் தொட்டில் உறக்கம் – இப்போது
கட்டிலில் இல்லை,
காட்டிலாவது கிடைக்குமா எனக்கு?

 

முப்பொழுதும் உன் நினைவுகள்...
அது எப்போது நிறைவடையும்?